.

.

2009/10/25

食個 Sick 字

朋友傳來這則笑談,原文配以有趣插圖,惜我懂的電腦 skill 有限,改動文字後,不懂複製。

今日我哋要食個英文「Sick」字,Sick 嘅中文意思係「生病」,讀音近似「色」。以下係食個「Sick」字嘅一啲例子:

成日都病,叫做「常 Sick」,聽嚟直情似「常識」。
病都要俾出個原因,叫做「解 Sick」,聽嚟直情似「解釋」。
病都有錢賺,叫做「利 Sick」,聽嚟直情似「利息」。
病都要列出條 X+Y=Z,叫做「方程Sick」,聽嚟直情似「方程式」。
病到唔想見朋友,叫做「重 Sick 輕友」,聽嚟直情似「重色輕友」。
病到要向人道歉,叫做「冰 Sick 前嫌」,聽嚟直情似「冰釋前嫌」。
病到懵,叫做「So Sick」,聽嚟直情似「蘇軾」。即係識寫「大江東去,浪淘盡,千古風流人物...」啦。
病咗等於冇病,叫做「Sick 即是空」,聽嚟直情似「色即是空」。
病完好返,開個 Party 慶祝,叫做「Sick 別會」,聽嚟直情似「惜別會」。
病到死,叫做「安 Sick」,聽嚟直情似「安息」。

阿婆病咗都要嗌交,叫做「婆 Sick 紛爭」,聽嚟直情似「婆媳紛爭」。
個男仔病到就嚟死,都要拍拖,叫做「男 Sick 生死戀」,懶音聽嚟直情似韓國電視劇「藍色生死戀」。

原作者阿茄話:好食新奇又好玩,食字真係好鬼盞。

(補記) 既然知道了阿茄(Mr.Joke x Mr.Gag )的blog site,轉貼理由便不充份,我把他們的網址錄在這裡:http://hk.myblog.yahoo.com/joke-gag/,有幽默感和想開心笑的朋友,請直接到他們那裡瀏覽,何況還可看到Toma 的有趣插圖。

我的網誌清單